de monocordo
An demo regulari monochordo uuerden ze erist finfzehen buochstaba . fure also manigen seitun . unde si . F . der niderosto fure dengesten seitun . der Proslambanomenos heizzit . unde si daz oborosta . F der churzisto seito . der nete heizzit . unde si daz mittera . F mese . der zuiualte lengi habe gagen nete. unde si daz êrera . B . lychanos . der triualta lengi habe gagen nete. unde si Proslambanomenos der uierualta lengi habe gagen nete . Tara nah teile nete in ahte teil . unde sezze fure in den ahtoden teil sinero lengi . so ist dâr . Paranete . der mit . E . gezeichenet ist .
zurück